მედიის მხარდაჭერა

პანდემიის შედეგები განსხვავებული სიმძიმით აისახება საზოგადოების სხვადასხვა ჯგუფებსა და სფეროებზე. არსებული ვითარებიდან გამომდინარე, ხელახალ გააზრებას საჭიროებს ფონდის სტრატეგია, პრიორიტეტული მიმართულებები და მიდგომები.  კერძოდ, თუ რა როლი შეიძლება ჰქონდეს ფონდს სამოქალაქო საზოგადოების მხარდაჭერისა და ღია საზოგადოების მშენებლობის ხელშეწყობაში პანდემიის პირობებში, როცა ადამიანის უფლებების დაცვასა და ჯანმრთელობას შორის ბალანსი მნიშვნელოვან გამოწვევად იქცა.

ღია საზოგადოების ფონდის 2021 წლის  განახლებული  თემები და ძირითადი მიმართულებები გამოქვეყნდება 22 თებერვლის შემდგომ.  შესაბამისად, პროექტების მიღება და გრანტის მაძიებლებთან კონსულტაციები ამავე პერიოდიდან განახლდება. შინაარსობრივი ცვლილებების გარდა, მარტის თვიდან გრანტის მაძიებლებს ონლაინ განაცხადის გაუმჯობესებულ სისტემას შევთავაზებთ.

ფონდის განახლებულ სტრატეგიაში გათვალისწინებული იქნება როგორც ადგილობრივი, ისე გლობალური გამოწვევები. ასევე, ვეცდებით უკეთ მოვერგოთ ონლაინ სივრცეში საქმიანობას, რაც დაგვეხმარება მაქსიმალურად გაიზარდოს ფონდისა და მისი პარტნიორების მუშაობის ეფექტურობა ჩვენი ბენეფიციარების სასიკეთოდ.

###

მედიაპროგრამის სტრატეგია 2019-2020 წლებში

ღია საზოგადოების ფონდის მედიაპროგრამის  მიზანია საზოგადოებრივი ინტერესის გამომხატველი და პოლიტიკური ზეგავლენისაგან თავისუფალი მედიის მხარდაჭერა იმისათვის, რომ  ხარისხიანი ჟურნალისტიკა ხელმისაწვდომი გახდეს საზოგადოების რაც შეიძლება  ფართო ფენებისთვის.

2019 წლიდან, ფონდის მედიაპროგრამა გააგრძელებს თანამშრომლობას დამოუკიდებელ ჟურნალისტურ ჯგუფებთან თბილისსა და რეგიონებში, რომლებიც ქმნიან ანალიტიკურ და საგამოძიებო შინაარსის მედიაპროდუქტს, და ყოველდღიურ ახალ ამბებს ონლაინ. მომდევნო წლებში ფონდი დააფინანსებს პარტნიორ მედიაორგანიზაციებს  და დაეხმარება მათ ისეთი ცვლილებების განხორციელებაში, რაც უზრუნველყოფს აუდიტორიის გაფართოებას, მენეჯმენტის გაუმჯობესებასა და შემოსავლების გაზრდას.

მომდევნო წლებში ფონდი კვლავ დაეხმარება ეთნიკური უმცირესობებით დასახლებულ რეგიონებში  უმცირესობების ენაზე მაუწყებელ მედიაორგანიზაციებს ხარისხიანი ჟურნალისტიკის შექმნასა და ინსტიტუციონალურ განვითარებაში, რათა ეს მედიასაშუალებები გადაიქცეს ინფორმაციის სანდო წყაროდ როგორც ადგილობრივი მოსახლეობისთვის, ასევე მთელი ქვეყნისთვის. ფონდი ასევე უზრუნველყოფს თანამშრომლობასა და ინფორმაციის გაცვლას გრძელვადიან პარტნიორებსა და დამწყებ მედიასაშუალებებს შორის .

კოალიციაში მედიის ადვოკატირებისათვის გაერთიანებულ ორგანიზაციებთან ერთად ფონდი გააგრძელებს მუშაობას მედიაგარემოს გაუმჯობესებაზე საქართველოში.

სხვა პროგრამები

საზოგადოებრივი ჯანმრთელობა

მონაწილეობითი დემოკრატია

მედიაპროგრამა

ეროვნული ინტეგრაცია

ევროინტეგრაცია

ადამიანის უფლებები

კონტაქტი

მედიაპროგრამა

+995 032 225 04 63 კონტაქტი