წარმოდგენილი კვლევა საქართველოს რეგიონებში 2014-2018 წლებში მიმდინარე ინფრასტურუქტურულ პროექტებს ეხება. საქართველოს 16 მუნიციპალიტეტში ინფრასტრუქტურული პროექტებზე 180 მილიონი ლარი დაიხარჯა.
კვლევის საწყის ეტაპზე აქცენტი პრობლემურ პროექტებზე გაკეთდა. ოცდაათი პროექტის შესწავლის შედეგად აღმოჩნდა, რომ 8 დასრულებულია, მაგრამ არ მუშაობს; 16 დასრულდა, მაგრამ თავიდან გასაკეთებელია; ხოლო 6 საერთოდ არ შესრულებულა.
სახელმწიფოს მიერ შეუსრულებელი ვალდებულები, პროექტისთვის გამოყოფილი საბიუჯეტო სახსრების არამიზნობრივად ხარჯვა, სამოხელეო დანაშაული და სავარაუდო კორუფციული გარიგებები შესწავლის პროცესში გამოვლენილი მთავარი პრობლემებია, რომელიც შემდეგი ტენდენციებით ხასიათდება:
- საბიუჯეტო თანხა დახარჯულია, პროექტი შეუსრულებელი ან უხარისხოდ არის შესრულებულია;
- ხშირ შემთხვევაში, ტენდერი რამდენჯერმეა გამოცხადებული;
- სატენდერო ხელშეკრულებაში გზადაგზა ბევრი ცვლილებაა შეტანილი და გაზრდილია პროექტების ღირებულება;
- მიღება-ჩაბარების აქტსა და შესრულებულ სამუშაოებს შორის სხვაობაა;
- სამუშაოების შეუსრულებლობაზე პასუხისმგებელი პირი პრაქტიკულად არ არსებობს;
- შეუსრულებელ სამუშაოებზე ახალი ტენდერები ადგილობრივ თვითმმართველობებს ჩამოერთვა და გადაეცა მუნიციპალური განვითარების ფონდს (მგფ).
სამუშაოების შეუსრულებლობის ან უხარისხოდ შესრულების ძირითად მიზეზებად სახელდება:
- დაგეგმვის და დაპროექტების პრობლემა;
- სამუშაოების არათანმიმდევრული შესრულება;
- არაკეთილსინდისიერი კომპანიები;
- პასუხიმგებელი პირების არგამოვლენა და დაუსჯელობა;
- კომპეტენციის დაბალი დონე;
- სამუშაოების დაბალი ფასი;
- არაკეთილსინდისიერი საჯარო მოხელეები და მაკონტროლებლები;
- შესყიდვების სისტემის გაუმართაობა;
- კორუფცია პასუხისმგებელ რგოლებში – ადგილებზე და ცენტრში.
შესწავლიალია: კახეთი, მცხეთა-მთიანეთი, შიდა ქართლი, იმერეთი, სამცხე-ჯავახეთი, გურია, სამეგრელო, რაჭა-ლეჩხუმი, აჭარა.
კვლევა გამომძიებელ ჟურნალისტთა გაერთიანება „აი, ფაქტმა“ და TSpress.ge-მა საქართველოს ღია საზოგადოების ფონდის მხარდაჭერით ჩაატარეს. კვლევის მიმდინარეობის პროცესში ეტაპობრივად გამოქვეყნდა 17 ჟურნალისტური გამოძიების შედეგი.
კვლევა გამომძიებელ ჟურნალისტთა გაერთიანება „აი, ფაქტმა“ და TSpress.ge-მა საქართველოს ღია საზოგადოების ფონდის მხარდაჭერით ჩაატარეს. კვლევის მიმდინარეობის პროცესში ეტაპობრივად გამოქვეყნდა 17 ჟურნალისტური გამოძიების შედეგი.
ვითარება რეგიონების მიხედვით
ნახეთ პრეზენტაცია
ინფრასტრუქტურული პროექტების შესწავლა რეგიონებში by OSGF on Scribd